पुणे दि १९ : – येथील कवयित्री प्रतिभा मगर यांनी लिहिलेल्या ‘स्टार्च हवाय विचारांना’ या काव्यसंग्रहाचे प्रकाशन राज्य मराठी भाषा समितीचे अध्यक्ष तथा आमदार चेतन तुपे यांच्या हस्ते पार पडले. कार्यक्रमाच्या अध्यक्षस्थानी महाराष्ट्र साहित्य परिषदेचे कार्याध्यक्ष प्रा. मिलिंद जोशी तर प्रमुख पाहुणे म्हणून उस्मानाबाद नगरपालिकेचे बांधकाम सभापती तथा साहित्यिक युवराज नळे, कोकण विभाग पत्रकार संघाचे विभागीय अध्यक्ष रवींद्र देशमुख, ज्येष्ठ कवी उद्धव कानडे, राष्ट्रपती पदक विजेते त्र्यंबक लोखरे, माजी महापौर वैशालीताई बनकर, प्रकाश शिंदे, शिवाजी मगर उपस्थित होते. कार्यक्रमाचे सूत्रसंचालन सुवर्णा जाधव यांनी तर आभार प्रदर्शन कवयित्री प्रतिभा मगर यांनी केले. कार्यक्रमाला विभागीय माहिती उपसंचालक राजेंद्र सरग, सेवानिवृत्त सेल टॅक्स कमिशनर अशोक जाधव, राजेंद्र काळभोर, शिक्षण सहाय्यक आयुक्त अनिल गुंजाळ, रेशनिंग संघटनेचे शहर अध्यक्ष गणेश डांगी, पल्लवी सुरसे, संध्या नाईक, सुमन लोखरे, प्रसाद मगर, पृथ्वीराज मगर, संध्या मगर यांच्यासह अनेक साहित्यिक मोठ्या संख्येने उपस्थित होते.
