.बोरघर / माणगांव दि१७:- माणगांव तालुक्यात दिवसेंदिवस चोरीच्या प्रमाणात वाढ होत चालली आहे. तालुक्यातील निळगूण फाटा येथील भारत संचार निगम कंपनीचा टॉवर आहे. या टॉवरच्या ठिकाणी ठेवलेल्या बॅटऱ्या चोरीला गेलेल्या आहेत. याबाबत माणगांव पोलीस सूत्रांकडून मिळालेल्या माहितीनुसार, दि. २४ जुलै ते १५ ऑगस्टच्या दरम्यान भारत संचार निगम लिमिटेड कंपनीच्या निळगुण येथील टॉवर खाली विद्युत पुरवठा खंडित झाल्यावर पर्यायी विद्युत पुरवठा कामी लावण्यात आलेल्या एकूण एक लाख २४,३००/- रु. किमतीच्या एक्साईड कंपनीच्या कोणीतरी अज्ञात इसमाने चोरून नेल्या. याबाबत माणगांव पोलीस ठाण्यात गुन्हा दाखल करण्यात आला असून अधिक तपास स. फौ. सायगावकर हे करीत आहेत.
विश्वास गायकवाड