पुणे,दि.२३ :- पुणे शहर परिसरातील फरासखाना येथील पुणेश्वर मित्र मंडळ चौकातील एका ठिकाणी बेकायदेशीरपणे मोकळ्या जागेत काही इसम कल्याण मटका जुगार खेळत व खेळवत असलेल्या मटका जुगार अड्ड्यावर पुणे शहर गुन्हे शाखेच्या सामाजिक सुरक्षा विभागाने छापा टाकला.
या कारवाईत पोलिसांनी ०८ जणांनान ताब्यात घेऊन ९ हजार ५८० रुपयेचा मुद्देमाल जप्त केला. ही कारवाई बुधवार (दि.२२) रोजी केली आहे.फरासखाना पोलिस ठाणे हद्दीमध्ये बेकायदेशीरपणे कल्याण मटका जुगार खेळत व खेळवत असल्याची गोपनीय माहिती पथकाला मिळाली. त्यानुसार पाळत ठेऊन पोलिसांनी छापा टाकला असता काही जण पैशांवर जुगार खेळताना आणि खळवत होते. पोलिसांनी ०८ जणांना ताब्यात घेऊन रोख रक्कम तसेच जुगाराचे साहित्य असा एकूण ०९ हजार ५८० रुपय किमतीच्या मुद्देमाल जप्त करण्यात आला. याप्रकरणी ०८ जणांवर फरासखाना पोलीस ठाण्यात महाराष्ट्र जुगार बंदी कायद्यांतर्गत गुन्हा दाखल करण्यात आला आहे
ताब्यात घेण्यात आलेल्या २२ जणांना पुढील कारवाईसाठी फरासखाना पोलिसांच्या ताब्यात दिले आहे.ही सदरची कारवाई पोलीस आयुक्त, पुणे शहर रितेश कुमार, पोलीस सह आयुक्त,पुणे शहर,संदिप कर्णिक,अपर पोलीस आयुक्त, गुन्हे, पुणे शहर, रामनाथ पोकळे, पोलीस उप आयुक्त गुन्हे अमोल झेंडे, यांचे आदेश व मार्गदर्शनाखाली सामाजिक सुरक्षा विभागाचे वरिष्ठ पोलीस निरीक्षक भरत जाधव तसेच सपोनि अश्विनी पाटील, पोलीस अंमलदार अजय राणे, मनिषा पुकाळे, तुषार भिवरकर, संदीप कोळगे, अमित जमदाडे या पथकाने यशस्वी केली आहे.
