पुणे,दि.०३:- पुणे शहर पोलीस चतु:श्रृंगी वाहतूक विभागापोलीस उपनिरीक्षक सुनिल मोरे वय ५७ यांचे आज शुक्रवारी (दि.३) दुपारी हृदयविकाराच्या झटक्याने निधन झाले. सुनिल मोरे हे चतु:श्रृंगी वाहतूक विभागात पोलीस उपनिरीक्षक म्हणून कार्यरत होते.
पोलीस उपनिरीक्षक सुनिल मोरे हे दुपारी १ वाजण्याच्या सुमारास पुणे विद्यापीठ चौकात ड्युटी करत असताना अचानक छातीत दुखायला लागल्यामुळे हॉस्पिटलमध्ये नेण्यात आले असताना त्यांना हृदयविकाराचा तिव्र झटका आला. यामध्ये मोरे यांची आज दुपारी तीन वाजण्याच्या सुमारास प्राणज्योत मालवली. सुनील मोरे यांना नुकतीच खात्यांतर्गत पदोन्नती मिळाली होती. मोरे हे मनमिळाऊ स्वभावाचे होते. त्यांच्या अचानक जाण्याने पुणे पोलीस दलासह चतु:श्रृंगी वाहतूक विभागावर शोककळा पसरली आहे.
