पिंपरी चिंचवड,दि.२४ :- देहू येथील इंद्रायणी नदी पात्रातनदीपात्रात होत असलेल्या अनधिकृत उत्खननावर पिंपरी -चिंचवडच्या तहशीलदार गीता गायकवाड यांनी आज पहाटे (दि.२४) तीनच्या सुमारास ही कारवाई करण्यात आली. तहसीलदारांच्या या धडाकेबाज कारवाईमुळे पुण्यातील वाळू तस्करांचे धाबे दणाणले आहे.
इंद्रायणी नदी पात्रातून वाळूचे अवैध उत्खनन होत असल्याची गोपनीय माहिती पिंपरी -चिंचवडच्या अपर तहसीलदार गीता गायकवाड यांना मिळाली. त्यानुसार त्यांनी कारवाई केली. मात्र या कारवाईमध्ये वाळू तस्करांना चाहूल लागल्यास ते पसार होतील म्हणून खबरदारी घेण्यात आली. त्यासाठी शासकीय वाहनाचा वापर टाळण्यात आला. त्यानुसार तहसीलदार गीता गायकवाड, निवासी नायब तहसीलदार प्रवीण ढमाले तसेच त्यांच्या पथकाने शासकीय वाहनाऐवजी निगडीतील तहसीलदार कार्यालय येथून डंपरमधून देहूकडे रवाना झाले. तहसीलदार व पथक डंपरमधून नदीपात्रात गेले. पहाटे तीनच्या सुमारास अंधारात नदीपात्रात वाळू उत्खनन होत असलेल्या ठिकाणी डंपरमधून तहसीलदार व पथक पोहचले आणि कारवाई केली.
कारवाई मध्ये तीन ट्रॅक्टर आणि दोन पोकलेन जप्त करण्यात आले. याप्रकरणी देहूरोड पोलीस ठाण्यात गुन्हा दाखल करण्या आला आहे. तहसीलदार गीता गायकवाड, नायब तहसीलदार प्रवीण ढमाले, मंडल अधिकारी शेखर शिंदे, तलाठी बाळकृष्ण साळुंके.श, तलाठी सूर्यकांत काळे, अतुल गीते, महसूल सहाय्यक उन्मेश मुळे, पोलीस पाटील महेश गायकवाड, चंद्रसेन टिळेकर व सुहास चव्हाण यांच्या पथकाने ही कारवाई केली.
