श्रीगोंदा,दि.२५ :-श्रीगोंदा पोलीस ठाण्यात दाखल चोरीच्या गुन्ह्यातील तीन चोरटे श्रीगोंदा पोलिसांनी अटक केली आहे.उमेश गरड्या पवार रा. निमगाव खलु ता. श्रीगोंदा,दत्तु दिलीप पवार,रा.श्रीगोंदा कारखाना ता.श्रीगोंदा व एक विधिसंघर्षग्रस्त बालक अशी अटक आरोपीचे नावे असुन,त्यांच्यावर श्रीगोंदा पोलीस ठाण्यात चोरीचे गुन्हे दाखल आहेत.
श्रीगोंदा तालुक्यातील ढोकराई, मढेवडगांव,काष्टी या गावातील चोरीच्या गुन्ह्यातील आरोपींचा पोलीस शोध घेत होते.श्रीगोंदा पोलीस ठाण्याचे पोलीस निरीक्षक रामराव ढिकले यांना तपासा दरम्यान गुप्त बातमीदारामार्फत बातमी मिळाली की,वरील आरोपी हे दौंड येथे असल्याची माहिती मिळाली असता गुन्हे प्रकटीकरण पथकाने तीन जणांना ताब्यात घेऊन चौकशी केली असता त्यांनी सदरचा गुन्हा केला असल्याची कबुली दिली आहे.तसेच आरोपीनी मढेवडगाव येथील गॅरेज मधुन वाहनांचे सुट्टे भाग, ट्रकचे इंजिनचे सामान, काष्टी येथुन टायरचे लोखंडी डिस्क, इंजिन चे सामाने इ.सुट्टे भागाची चोरी केल्याची कबुली दिली आहे. तीनही ठिकाणी चोरी करताना आरोपींनी मारुती 800 कार एम.एच.24 सी.4786 ही वापरली असल्याची कबुली दिली त्यावरुन आरोपीच्या घराची व मारुती 800 गाडी ची झडती घेतली असता त्याच्या ताब्यात चारचाकी वाहनांचे गाड्यांचे स्पेअर पार्ट,लोखंडी मटेरियल, गुन्ह्यात वापरलेली मारुती 800 कार असा एकुण 2 लाख 25 हजार रुपये किंमतीचा मुद्देमाल जप्त केला आहे.आरोपी हे पोलीस कस्टडीमध्ये असुन त्यांचेकडुन आणखी गुन्हे उघडकीस येण्याची शक्यता आहे. गुन्ह्याचा पुढील तपास पोलीस हवालदार रोहीदास झुंजार हे करीत आहेत. सदरची कारवाई ही श्रीगोंदा पोलीस ठाण्याचे पोलीस निरीक्षक रामराव ढिकले, सपोनि दिलीप तेजनकर, स.फौ अंकुश ढवळे, पो.हे.कॉ रोहीदास झुंजार, पो.ना गोकुळ इंगवले, पो.कॉ प्रकाश मांडगे, पो.कॉ किरण बोराडे, पो.कॉ दादा टाके, पो.कॉ अमोल कोतकर यांनी केली आहे.
श्रीगोंदा प्रतिनिधी :-विजय कुंडलिक मांडे