पुणे शहर पोलिसांनी मध्यरात्री कोम्बिंग ऑपरेशन , 1300 गुन्हेगारांची तपासणी , 5 पिस्तुले जप्त

पुणे दि १६ : -पुणे शहरात गुन्हेगारांवर पोलिसांची दहशत निर्माण राहवी व पुणे शहर पोलिसांच्या तीस पोलीस ठाण्याचे अधिकारी अन गुन्हे शाखेच्या सर्वच पथकांनी एकाच वेळी मध्यरात्री कोम्बिंग ऑपरेशन राबवले. यात 1 हजार 300 गुन्हेगार चेक तर केलेच पण त्यात अडीचशे गुन्हेगारांना वेगवेगळ्या कलमानव्ये अटक करण्यात आली आहे. तर या कारवाईत 5 पिस्तुल जप्त करण्यात आले आहेत.
शहरातील कायदा सुव्यवस्था राखण्यासाठी गुन्हेगारांची झाडाझाडती घेउन कारवाई करण्याचे आदेश पुणे शहर पोलिस आयुक्त अमिताभ गुप्ता यांनी दिले होते. त्यानुसार सर्व पोलीस ठाण्यांसह गुन्हे शाखेच्या पथकांनी रात्री नउ ते एक वाजेपर्यंत कोम्बिंग ऑपरेशन राबविले
एकाचवेळी करण्यात आलेल्या कारवाईमुळे गुन्हेगारांची पळता भुई झाली. गुन्हे शाखेच्या पाच पथकातील अधिकारी व कर्मचारी ठिकठिकाणी शोध मोहिम राबविली. तसेच 1300 जणांना आरोपींना ताब्यात घेतले. त्यांच्याकडून शस्त्रसाठा जप्त करण्यात आला आहे.
त्यानुसार खंडणी विरोधी पथकाने आर्मअ‍ॅक्टनुसार १४२ गुन्हेगारांची कुंडली तपासली आहे. त्याशिवाय विविध टोळीतील ३२८ गुन्हेगारांना तपासले आहे. सामाजिक सुरक्षा विभागाने पिटा अ‍ॅक्टनुसार १५ जणांना तपासले आहे. दरोडा वाहन चोरी प्रतिबंधक पथकाने ४९ वाहनचोर तपासले असता, त्यामध्ये १० गुन्हेगार मिळून आले. जबरी चोरीतील २ गुन्हेगार मिळून आले. शरिराविरूद्धच्या गुन्ह्यात ६ गुन्हेगार मिळून आले आहेत. त्याशिवाय बिबवेवाडीतील घरफोडीचा गुन्हा उघडकीस आणला आहे. तडीपार असतानाही शहरात वास्तव्य भोवले तडीपार काळातही शहरात आलेल्या ९ जणांना पोलिसांनी अटक केली आहे. त्यामध्ये गुन्हे शाखेने ६ केसेस केल्या आहेत. शहरात संशयास्पदरित्या फिरणाऱ्या २१ जणांविरूद्ध कारवाई करण्यात आली आहे. सीआरपीसी १५१ (१)कलमानुसार १६२ गुन्हेगारांविरूद्ध कारवाई करण्यात आली आहे. सदर कारवाई पोलीस आयुक्त.पुणे शहर अमिताभ गुप्ता यांचे आदेशान्वये पोलीस सहआयुक्त रविंद्र शिसवे , अपर पोलीस आयुक्त गुन्हे अशोक मोराळे तसेच परिमंडळीय पोलीस उपआयुक्त व पोलीस उपआयुक्त गुन्हे यांचे मार्गदर्शनाखाली पो.स्टे . चे वरीष्ठ पोलीस निरीक्षक , तसेच गुन्हे शाखेचे युनिटचे पो.नि व त्यांचे पथकाने तसेच २८ परिविक्षाधीन पोलीस उपनिरीक्षक यांनी कारवाई केलेली आहे . यापुढेही कोंबिंग ऑपरेशन राबविण्यात येवून गुन्हेगारांचे हालचालींवर सक्त नजर ठेवून त्यांचेवर प्रतिबंधक कारवाई करण्यात येणार आहे .